Ang Mangingibig ni Ginang Chatterley

Blurb

Ang Mangingibig ni Ginang Chatterley ay isang nobela ni D. H. Lawrence, na unang nalathala noong 1928. Ang unang edisyon ay pribadong nalimbag sa Plorensiya, Italya na may pagtulong ni Pino Orioli; hindi ito lantarang mailathala sa Nagkakaisang Kaharian hanggang sa pagsapit ng 1960. Isang pribadong edisyon ang inilabas ni Inky Stephensen sa pamamagitan ng kanyang Mandrake Press noong 1929. Sa paglaon, ang aklat ay naging palasak dahil sa kuwentong nakapaloob dito ng ugnayang pangkatawan sa pagitan ng isang lalaking nasa antas ng mga manggagawa at ng isang babaeng kasapi sa aristokrasya, dahil sa lantarang paglalarawan ng pagtatalik, at ang paggamit nito ng mga "salitang hindi maililimbag".
Sinasabing ang kuwento ay nagmula sa mga kaganapan sa hindi masayang buhay sa kanyang tahanan ni Lawrence, at kumukha siya ng inspirasyon para sa mga tagpuan ng aklat mula sa Eastwood, Nottinghamshire, kung saan siya lumaki.